اسلام آباد (ڈیلی اردو) دنیا بھر میں کورونا وائرس سے ہلاک افراد کی تعداد ایک لاکھ سے زائد ہو چکی ہے جب کہ 16 لاکھ 74 ہزار 856 سے زائد افراد اب تک وبا سے متاثر ہو چکے ہیں۔
دنیا کے 209 ممالک میں پھیلی وبا کے باعث اب تک سب سے زیادہ 18 ہزار 279 ہلاکتیں اٹلی میں ہو چکی ہیں ، یورپی ملک میں عالمگیر وبا سے ایک لاکھ 43 ہزار سے زائد افراد متاثر بھی ہو چکے ہیں۔
اٹلی اس وقت ہلاکتوں کے اعتبار سے دنیا میں پہلے نمبر پر ہے جہاں اموات کی تعداد امریکا سے کچھ زیادہ یعنی 18 ہزار 848 ہے جب کہ متاثرہ افراد کی تعداد ایک لاکھ 47 ہزار 577 ہو چکی ہے۔
اسپین میں بھی عالمگیر وبا سے 16 ہزار 81 افراد موت کی وادی میں جا چکے ہیں جب کہ فرانس میں 13 ہزار 197 افراد لقمہ اجل بن چکے ہیں۔
برطانیہ بھی کورونا وائرس سے شدید متاثرہ ممالک میں شامل ہے جہاں اب تک 8 ہزار 958 افراد اپنی جانوں سے ہاتھ دھو چکے ہیں جب کہ ایران میں 4 ہزار 232 اور چین میں 3 ہزار 339 افراد ہلاک ہو چکے ہیں۔
بیلجیم میں 3 ہزار سے زائد جب کہ جرمنی میں 2 ہزار 736 اور ترکی میں ہزار سے زائد افراد اب تک ہلاک ہو چکے ہیں۔
دنیا کے 210 ممالک میں اب تک ایک لاکھ 1 ہزار 474 افراد لقمہ اجل بن چکے ہیں جب کہ 16 لاکھ 74 ہزار 856 افراد وبا سے متاثر اور 3 لاکھ 71 ہزار 858 صحت یاب بھی ہو چکے ہیں۔
