مٹیاری (ڈیلی اردو) صوبہ سندھ کے ضلع مٹیاری میں قومی شاہراہ پر ہونے والے ٹریفک حادثے میں 4 افراد ہلاک اور تین خواتین سمیت 7 افراد شدید زخمی ہو گئے۔
اسسٹنٹ کمشنر مٹیاری عبدالمجید زہرانی نے بتایا کہ یہ حادثہ مٹیاری قومی شاہراہ پر اس وقت پیش آیا جب مٹیاری شہر کے پیرزادہ محلے سے خواتین اور مردوں پر مشتمل ماتمی جلوس حیدرآباد قدم گاہ مولا علی پر پیدل جا رہا تھا کہ قومی تیز رفتار ٹرالر عزا داروں کے پیدل جلوس پر چڑھ گیا۔
اے سی عبدالمجید زہرانی نے بتایا کہ حادثے کے نتیجے میں 3 خواتین اور ایک بچہ ہلاک ہوگئے جب کہ 7 افراد زخمی ہوئے ہیں جن کو تشویشناک حالت میں حیدرآباد ہسپتال منتقل کر دیا گیا ہے۔ پولیس نے ٹریلر کے ڈرائیور اور کلینر کو حراست میں لے لیا۔
