نیو یارک (ڈیلی اردو) نارتھ اٹلانٹک ٹریٹی آرگنائزیشن (نیٹو) حکام کا کہنا ہے کہ افغانستان میں موجود غیر ملکی افواج مئی کی ڈیڈ لائن کے بعد بھی افغانستان میں رہیں گی۔
نیٹو کی جانب سے جاری بیان میں کہا گیا ہے کہ اپریل کے آخر تک غیرملکی افواج کا افغانستان سے مکمل انخلا نہیں ہوسکتا کیونکہ انخلا کی شرائط پوری نہیں ہوئیں۔
نیٹو کا کہنا ہے کہ اب نئی انتظامیہ افغان پالیسی میں ردوبدل کرنے کے ساتھ افغانستان سے جلد بازی میں نکلنے پر بھی غور کرے گی اور ہوسکتا ہے کہ پھر زیادہ بہتر حکمت عملی سامنے آجائے۔
خیال رہے کہ گذشتہ سال ہونے والے ٹرمپ انتظامیہ اور طالبان معاہدے کے تحت افغانستان سے غیر ملکی افواج کا انخلا رواں برس مئی تک مکمل ہونا ہے۔
افغانستان میں امریکی اہلکاروں سمیت نیٹو افواج کے تقریباً 10 ہزار اہلکار موجود ہیں۔
