کوئٹہ (بیورو رپورٹ) صوبہ بلوچستان کے صوبائی دارالحکومت کوئٹہ میں دہشتگردی کا منصوبہ ناکام بناکر کالعدم تنظیم بلوچ لبریشن آرمی (بی ایل اے) کے دو دہشتگردوں کو گرفتار کرلیا گیا۔
#CounterTerrorism Department #Balochistan claimed to have thwarted terrorism activity & arrested #two suspected terrorists affiliated with banned #BLA from #Quetta's Link Sariab Road, arrested were identified as Syed Owais Shah & Jahanzaib Baloch, explosive recovered. https://t.co/Ss2AvXA20v
— ???????? (@Info_Balochistn) March 12, 2021
ترجمان سی ٹی ڈی کے مطابق جمعرات گیارہ مارچ کو کاؤنٹر ٹیررازم ڈیپارٹمنٹ کوئٹہ کو خفیہ اطلاع ملی تھی کہ کالعدم بلوچ لبریشن آرمی کے دو دہشت گرد سیکورٹی اہلکاروں پر حملے کی غرض سے کوئٹہ پہنچ رہے ہیں۔ سی ٹی ڈی کوئٹہ کی ٹیم نے اس اطلاع پر کوئٹہ کے علاقے لنک سریاب روڈ پر چھاپہ مار کر دونوں دہشت گردوں کو گرفتار کرلیا جن کی شناخت سید اویس شاہ اور جہانزیب بلوچ کے نام سے ہوئی۔ ملزمان کے قبضے سے دھماکا خیز مواد اور بم بنانے میں استعمال ہونے والے آلات برآمد کئے گئے۔
ترجمان کے مطابق دونوں گرفتار دہشت گردوں نے اعتراف کیا کہ بی ایل اے کے رہنماؤں نے انہیں کوئٹہ میں دہشتگرد کارروائیوں کا ٹاسک دے رکھا تھا۔
سی ٹی ڈی ترجمان نے بتایا کہ ملزمان نے کوئٹہ میں موجود بی ایل اے کے دیگر کارندوں کے بارے میں بھی معلومات دیں جن کی گرفتاری کے لئے مزید چھاپے مارے جارہے ہیں۔
سی ٹی ڈی نے گرفتار دہشت گردوں کے خلاف تھانہ سی ٹی ڈی کوئٹہ میں مقدمہ کے بعد مزید تفتیش شروع کردی ہے۔