مردان (ڈیلی اردو) صوبہ خیبرپختونخوا کے ضلع مردان میں الخدمت ہسپتال کے قریب موٹر کار پر فائرنگ سے ماموں بھانجے سمیت 3 افراد ہلاک ہوگئے۔
ذرائع کا بتانا ہے کہ گاڑی پر فائرنگ خاتون کی جانب سے کی گئی ہے، تاہم فائرنگ کی وجہ تاحال معلوم نہ ہو سکی۔
ذرائع کے مطابق مقتولین میں دو کی شناخت ظاہر شاہ اور جواد کے ناموں سے ہوئی جن کا تعلق چارسدہ سے بتایا جاتا ہے۔
ذرائع کا بتانا ہے کہ فائرنگ سے ہلاک ہونے والے افراد پراپرٹی کے کاروبار سے منسلک تھے۔
پولیس نے جائے وقوعہ پر پہنچ کر لاشوں کو پوسٹ مارٹم کیلئے ہسپتال منتقل کردیا جبکہ واقعہ کا مقدمہ درج کر کے تحقیقات شروع کردی۔
