کوئٹہ (ڈیلی اردو) صوبہ بلوچستان کے ضلع لورالائی کے قریب ایف سی کی گاڑی پر فائرنگ کے نتیجے میں تین مبینہ دہشت گرد اور ایک سیکیورٹی اہلکار ہلاک ہو گیا ہے۔
پاکستانی فوج کے شعبہ تعلقات عامہ (آئی ایس پی آر) کے مطابق بلوچستان میں لورالائی کے علاقے شاہرگ میں ایف سی بلوچستان کی گاڑی پر دہشت گردوں نے حملہ کر دیا۔ ایف سی کے جوانوں کی فوری کارروائی کے نتیجے میں 3 دہشت گرد مارے گئے، جبکہ دہشت گردوں سے فائرنگ کے تبادلے میں نائیک شریف ہلاک ہوگیا۔
میجر قاسم اور ایف سی کا ایک جوان فائرنگ کے تبادلے میں زخمی ہوگئے، زخمیوں کو فوری طور پر سی ایم ایچ کوئٹہ منتقل کر دیا گیا۔
دوسری جانب کالعدم تنظیم بلوچ لبریشن آرمی نے فورسز پر حملوں کی ذمہ داری قبول کرلی ہے۔
ترجمان جیئند بلوچ نے ایک بیان میں دعوی کیا ہے کہ ان کے تنظیم نے چار حملوں میں پاکستانی فوج کے 7 اہلکار ہلاک کیے۔
