راولپنڈی (ڈیلی اردو) بلوچستان میں سکیورٹی فورسز کے آپریشن میں بلوچ لبریشن آرمی کے دو دہشت گرد ہلاک ہوگئے۔
پاکستانی فوج کے شعبہ تعلقات عامہ آئی ایس پی آر کے مطابق بلوچستان کے ضلع آواران کے علاقے مشکئی میں دہشت گردوں کی موجودگی کی اطلاع پر آپریشن کیا گیا۔
آئی ایس پی آر کے مطابق ملزمان کے ساتھ فائرنگ کے تبادلے میں دو دہشت گرد ہلاک ہوئے جبکہ دہشتگردوں کی فائرنگ سے دو اہلکار بھی ہلاک ہوئے۔
آئی ایس پی آر کے مطابق آپریشن کے دوران لانس حوالدار راج ولی خان اور سپاہی اسامہ خان ہکاک ہو گئے جبکہ ایک اہلکار زخمی بھی ہوا۔
آئی ایس پی آر کے مطابق ہلاک دہشت گرد آواران میں دہشتگردی کی وارداتوں میں ملوث تھے، آپریشن کے دوران بڑی تعداد میں اسلحہ اور گولیاں بھی برآمد کی گئیں۔
