خار (نمائندہ ڈیلی اردو) صوبہ خیبر پختونخوا کے قبائلی ضلع باجوڑ میں نامعلوم افراد نے چلتی گاڑی پر اندھا دھند فائرنگ کر کے ایک شخص کو ہلاک کردیا۔
نمائندہ ڈیلی اردو کے مطابق تحصیل ماموند کے لرخلوزو ہسپتال کے سامنے نامعلوم افراد کی چلتی گاڑی پر اندھا دھند فائرنگ کرکے فاروق نامی شخص کو ہلاک کردیا جبکہ احسان اللہ نامی شخص شدید زخمی ہوا جسے ہسپتال منتقل کردیا گیا۔
پولیس ذرائع کا کہنا ہے کہ قتل کا واقعہ ٹارگٹ کلنگ کا نتیجہ ہے۔
پولیس نے ایف آئی آر درج کرکے نامعلوم ملزمان کی تلاش کے لئے سرچ آپریشن شروع کر دیا ہے۔
