بلوچستان: خضدار میں دھماکا، ایک شخص ہلاک، 5 زخمی

کوئٹہ (ڈیلی اردو) صوبہ بلوچستان کے ضلع خضدار میں قومی پرچم فروخت کرنے والے اسٹال پر دھماکے میں کم از کم ایک شخص ہلاک اور خاتون سمیت 4 افراد زخمی ہوگئے۔

خضدار کے آزادی چوک پر یوم آزادی کی مناسبت سے لگائے گئے اسٹال پر نامعلوم افراد نے دستی بم سے حملہ کیا جس سے متعدد افراد زخمی ہو گئے، زخمی ہونے والوں کو ٹیچنگ ہسپتال منتقل کر دیا گیا ہے۔

دوسری جانب وزیراعلیٰ بلوچستان میرعبدالقدوس بزنجو نے خضدار بم دھماکے کی مذمت کرتے ہوئے دھماکے میں ہونے والے قیمتی جانی نقصان پر افسوس کا اظہار کیا ہے۔

وزیراعلیٰ نے خضدار سمیت صوبے بھر میں حفاظتی اقدامات مزید مؤثر بنانے کی ہدایت کرتے ہوئے کہا کہ واقعے میں ملوث عناصر کو ہر صورت کیفر کردار تک پہنچایا جائے۔

اس خبر پر اپنی رائے کا اظہار کریں

اپنا تبصرہ بھیجیں