اسلام آباد میں 2 موٹر سائیکلوں کی ٹکر کے بعد دھماکا، 4 افراد زخمی

اسلام آباد (ڈیلی اردو) اسلام آباد کے علاقے بارہ کہو میں دو موٹر سائیکلوں کی ٹکر کے بعد ایک موٹر سائیکل دھماکے سے پھٹ گئی۔

پولیس کا کہنا ہے کہ حادثے میں چار افراد شدید زخمی ہوئے جنہیں علاج و معالجے کے لیے ہسپتال منتقل کر دیا گیا ہے۔

پولیس کو خدشہ ہےکہ ایک موٹر سائیکل میں بارودی مواد موجود تھا کیونکہ حادثے کے بعد قریب سے ڈیٹونیٹر، تاریں اور بارودی مواد بھی ملا ہے۔

پولیس حکام کا بتانا ہے کہ موٹر سائیکلیں قبضے میں لے کر واقعے کی تحقیقات شروع کر دی ہیں۔

اس خبر پر اپنی رائے کا اظہار کریں

اپنا تبصرہ بھیجیں