لکی مروت (نمائندہ ڈیلی اردو) صوبہ خیبر پختونخوا کے ضلع لکی مروت میں نامعلوم مسلح افراد نے پولیس سٹیشن پر دھاوا بول دیا۔ ذرائع کا کہنا ہے کہ پولیس اور حملہ آوروں کے درمیان شدید فائرنگ کے تبادلے میں ایک سب انسپکٹر ہلاک ہوگیا۔
ذرائع نے بتایا کہ نامعلوم مسلح افراد نے سٹی پولیس اسٹیشن پر ہتھیاروں سے حملہ کیا، جس کے نتیجے میں سب انسپکٹر کلیم اللہ ہلاک ہوگئے۔
ذرائع نے مزید بتایا کہ مسلح افراد نے ہتھیاروں سے تھانے پر حملہ کیا اور فرار ہوگئے۔
حملے کے بعد سیکیورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
