کوئٹہ (بیورو رپورٹ) صوبہ بلوچستان کے ضلع مستونگ میں حساس ادارے اور کاؤنٹر ٹررزم ڈپارٹمنٹ (سی ٹی ڈی) نے مشترکہ کارروائی کرکے کالعدم تنظیم کے دو مبینہ دہشت گردوں کو گرفتار کرلیا۔
ترجمان سی ٹی دی کے مطابق گرفتار دہشتگردوں کا تعلق کالعدم تنظیم یونائیٹڈ بلوچ آرمی (یو بی اے) سے ہے اور وہ سی ٹی ڈی کے ریڈ بک میں شامل تھے۔
بلوچستان حکومت نے دونوں دہشتگردوں کے سروں کی قیمت مقرر کی تھی جن میں نوروز کے سر کی قیمت 10 لاکھ اور ظہیر کے سر کی قیمت 5 لاکھ روپے مقرر تھی۔
