نوشہرہ (نمائندہ ڈیلی اردو) صوبہ خیبر پختونخوا کے ضلع نوشہرہ میں کاؤنٹر ٹررزم ڈپارٹمنٹ (سی ٹی ڈی)، پولیس اور سیکورٹی فورسز نے اکوڑہ خٹک مہاجر کیمپ میں کارروائی کرتے ہوئے دہشت گرد گروپ کے اہن رکن کو گرفتار کرلیا۔
سی ٹی ڈی اور سیکورٹی فورسز کا نوشہرہ کے علاقے اکوڑہ خٹک کے مہاجر کیمپ میں مشترکہ آپریشن، حافظ گل بہادر گروپ کے رکن عبدالکبیر کو گرفتار کر لیا گیا۔ مبینہ ملزم سے خودکش جیکٹ اور دستی بم برآمد، ملزم کو تفتیش کیلئے نامعلوم مقام پر منتقل کردیا گیا۔ سرکاری ذرائع#AkoraKhattak #Nowshera
— Shabbir Hussain Turi (@ShabbirTuri) January 1, 2023
پولیس کے مطابق خودکش بمبار کی شناخت عبدالکبیر کے نام سے ہوئی ہے، جبکہ دہشت گرد کے قبضے سے خودکش جیکٹ اور دستی بم برآمد کرلیے ہیں۔
پولیس نے گرفتار کیے جانے والے ملزم سے متعلق بتایا کہ وہ دہشت گردی کی منصوبہ بندی کررہا تھا۔ ملزم کو مزید تفتیش کیلئے نامعلوم مقام پر منتقل کردیا گیا۔
یاد رہے کہ گذشتہ روز ہی سی ٹی ڈی نے لاہور سمیت تین شہروں میں کریک ڈاؤن کے دوران 5 دہشت گردوں کو گرفتار کیا تھا جس میں کالعدم تنظیم کا اہم کمانڈر بھی شامل تھا، ملزمان کی شناخت فاروق، سیف، شاہ زیب، احمد اور اسرار ہوئی تھی۔
سی ٹی ڈی پنجاب نے لاہور اور دیگر اضلاع سے کالعدم تنظیم کے اہم کمانڈر سمیت 5 دہشت گردوں گرفتار کرلیا، مبینہ دہشت گردوں سے خودکش جیکٹ بنانے کا سامان، بارودی مواد، اسلحہ، ممنوعہ لٹریچر برآمد کرلیا گیا، گرفتار ہونے والے میں فاروق، سیف، شاہ زیب، احمد اور اسرار شامل ہے۔ #CTD #Punjab
— Shabbir Hussain Turi (@ShabbirTuri) December 31, 2022
