ابوجا ( مانیٹرنگ ڈیسک ) نائیجیریا کی شمالی ریاست کاٹسینا میں مسلح افراد اور سکیورٹی فورسز کے درمیان جھڑپوں میں 40 سے زائد افراد ہلاک ہو گئے ، یہ تازہ ترین جھڑپیں پارلیمانی اور صدارتی انتخابات سے قبل ہوئی ہیں۔
More than 40 killed in Nigeria as gunmen and vigilantes clash https://t.co/sJOp5vkfec
— Al Jazeera English (@AJEnglish) February 4, 2023
غیر ملکی خبر رساں ادارے کے مطابق کٹسینا پولیس کے ترجمان نے کہا کہ ایک مسلح گینگ جو مقامی طور پر ’’ بینڈٹس ‘‘ کے نام سے جانا جاتا ہے نے کاٹسینا کے باکوری مقامی حکومت کے علاقے کے ایک گاؤں پر حملہ کیا جس کے باعث بڑے پیمانے پر جانی نقصان ہوا۔
ترجمان نے بتایا کہ مجرموں کو کیفرکردار تک پہنچانے کے لیے ایک مشترکہ سکیورٹی آپریشن فی الحال جاری رکھا جائے گا۔
دو سکیورٹی ذرائع نے دعویٰ کیا کہ مرنے والوں کی تعداد 50 ہے جن کی لاشیں جھاڑیوں سے برآمد کی گئیں، جھڑپوں میں زخمی ہونے والوں کو کنکرا ہسپتال منتقل کیا گیا ہے۔
خیال رہے کہ نائیجیریا کی شمالی ریاست کاٹسینا ان ریاستوں میں سے ایک ہے جو مسلح گروہوں سے سب سے زیادہ متاثر ہوئی ہے، مسلح گروہ دور دراز علاقوں کے دیہاتوں میں مقیم لوگوں پر حملہ کر کے انہیں کو اغواء کر لیتے ہیں۔