ڈی آئی خان (بیورو رپورٹ) صوبہ خیبر پختونخوا کے ضلع ڈیرہ اسماعیل خان میں سی ٹی ڈی نے کارروائی کرتے ہوئے کالعدم ٹی ٹی پی کے 4 دہشت گرد گرفتار کرلیا۔
ڈیرہ اسماعیل خان میں سی ٹی ڈی نے کارروائی کرتے ہوئے کالعدم تحریک طالبان پاکستان کے 4 دہشت گردوں کو گرفتار کرلیا، جن کی شناخت منان، رحمان، قسمت اللہ اور امیر محمد سے ناموں سے ہوئی۔ گرفتار دہشت گردوں کے قبضے سے اسلحہ و گولہ بارود بھی برآمد ہوا۔#TTP #CTD #DIKhan #Pakistan
— Shabbir Hussain Turi (@ShabbirTuri) April 10, 2023
ترجمان سی ٹی ڈی کے مطابق ڈیرہ اسماعیل خان ریجن ٹیم نے کامیاب کارروائی کے دوران 4 دہشت گردوں کو گرفتار کرلیا، جن کی شناخت منان، رحمان، قسمت اللہ اور امیر محمد سے ہوئی۔
ترجمان نے مزید بتایا کہ سی ٹی ڈی ٹیم نے پختہ روڈ ڈیرہ تا مڈی داخلی آباء شہید میں آپریشن کیا، اسی دوران دہشت گردوں سے فائرنگ کا تبادلہ ہوگیا، اور چاروں کو گرفتار کرلیا گیا۔
ترجمان سی ٹی ڈی کے مطابق گرفتار دہشتگردوں کا تعلق کالعدم تنظیم تحریک طالبان پاکستان (ٹی ٹی پی) مفتی نور ولی محسود گروپ سے ہے۔
گرفتار دہشت گردوں کے قبضے سے اسلحہ و گولہ بارود بھی برآمد ہو ا ہے۔
