اسلام آباد (ش ح ط) صوبہ خیبر پختونخوا کے قبائلی ضلع شمالی وزیرستان میں سیکیورٹی فورسز کے قریب ہونے والے دھماکے میں پانچ فوجی زخمی ہوگئے۔
قبائلی ضلع شمالی وزیرستان کی تحصیل میرعلی کے نواحی علاقے خدی میں سیکیورٹی فورسز کے قریب ایک دھماکے میں 4 فوجی زخمی ہوگئے، ذرائع کے مطابق علاقے میں سرچ آپریشن جاری ہے۔#NorthWaziristan #Pakistan
— Shabbir Hussain Turi (@ShabbirTuri) May 30, 2023
پولیس اور انٹیلیجنس حکام کے مطابق تحصیل میرعلی کے نواحی علاقے خدی میں سڑک کے کنارے نصب ایک بم کے دھماکے میں فوج کے پانچ اہلکار ایک پانچ سالہ بچی زخمی ہوگئے ہیں۔ تاہم ابھی تک کسی گروپ یا تنظیم نے اس حملے کی ذمہ داری قبول نہیں کی۔
ذرائع کے مطابق زخمیوں میں 2 اہلکاروں کی حالت تشویشناک ہے جبکہ زخمیوں کو سی ایم ایچ ہسپتال منتقل کر دیا گیا۔
بم ڈسپوزل اور دیگر سیکیورٹی فورسز نے موقع پر پہنچ کر علاقے کو گھیرے میں لے لیا۔
