ٹانک (نمائندہ ڈیلی اردو/ٹی این این) صوبہ خیبر پختونخوا کے ضلع ٹانک میں نامعلوم مسلح افراد کی جانب سے بھرے بازار میں فائرنگ سے پولیس کانسٹیبل ہلاک اور ایک شہری زخمی ہوگیا۔
#Pakistan: A cop was shot dead and a civilian was injured near the Meezan Bank in Tank district, Khyber Pakhtunkhwa province. https://t.co/hBD9duTiOo
— ???? (@cozyduke_apt29) August 23, 2023
پولیس حکام کے مطابق فائرنگ نجی بینک میزان کے مین گیٹ پر کی گئی جس کی زد میں آکر پولیس کانسٹیبل ریاض گل ہلاک جبکہ ضیا الدین نامی ایک شہری زخمی ہوگیا۔ واقعے کے بعد پولیس اہلکار کی لاش اور زخمی شہری کو ہسپتال منتقل کیا گیا۔
اطلاع ملنے پر پولیس کی بھاری نفری جائے وقوع پر پہنچی اور شواہد جمع کرنے کے ساتھ وہاں موجود افراد سے بیان لیے۔ ملزمان کی گرفتاری کے لیے شہر کے داخلی و خارجی راستوں پر ناکے لگا کر تلاشی کا عمل شروع کردیا گیا ہے۔
فائرنگ کے واقعے کے بعد تاجروں میں خوف و ہراس پھیل گیا اور انہوں نے دکانیں بند کردیں۔ پولیس نے فرار ہونے والے مسلح افراد کی تلاشی کیلئے مختلف مقامات پر سرچ آپریشن بھی شروع کردیا ہے۔
پولیس کا کہنا ہے کہ ہم واقعے کو ٹارگٹ کلنگ کے تسلسل کے تناظر میں دیکھ رہے ہیں۔
