میران شاہ (ڈیلی اردو/ٹی این این) صوبہ خیبر پختونخوا قبائلی ضلع شمالی وزیرستان کی تحصیل شوال میں بارودی سرنگ کا دھماکا ہوا ہے جس کے نتیجے میں دو افراد ہلاک اور 34 زخمی ہوگئے۔
سکیورٹی ذرائع کے مطابق دھماکہ گزشتہ شب تحصیل شوال جہانگیر بازار گربز میں ایک سویلین گاڑی پر ہوا ہے۔ دھماکے میں 2 افراد ہلاک اور 34 زخمی ہوگئے۔ زخمیوں کو علاج کیلئے ہسپتال منتقل کردیا گیا ہے۔ ہلاک ہونے والوں میں افراد دوست محمد اور نور باکی جان شامل ہیں۔
ذرائع کا کہنا ہے کہ ہلاک اور زخمی افراد چلغوزے کے مزدور تھے جو اس دھماکے کا نشانہ بنے۔
دھماکے کے بعد پولیس نے علاقے کو گھیرے میں لے کر تحقیقات شروع کردی ہے۔
