اسلام آباد (ش ح ط) صوبہ خیبر پختونخوا کے ضلع بنوں میں سیکورٹی فورسز کے قافلے کے قریب خودکش حملہ ہوا ہے۔ تاہم کوئی جانی نقصان نہیں ہوا۔
تفصیلات کے مطابق بنوں میں مروت کینال روڈ پر ایک مشتبہ خودکش حملہ آور نے سیکیورٹی فورسز کے قافلے کے قریب خود کو دھماکے سے اڑا لیا۔
حکام کا کہنا ہے کہ اس واقعے میں حملہ آور ہلاک ہوا تاہم کوئی اور جانی نقصان نہیں ہوا۔
حکام کے مطابق واقعہ میں گاڑی کو جزوی نقصان پہنچا ہے تاہم تمام اہلکار حملے میں محفوظ رہے ہیں۔
سیکورٹی فورسز نے علاقے کو گھیرے میں لے کر سرچ آپریشن شروع کر دیا ہے۔
