میران شاہ (نمائندہ ڈیلی اردو) صوبہ خیبر پختونخوا کے قبائلی ضلع شمالی وزیرستان کے صدر مقام میرانشاہ میں نامعلوم افراد کی فائرنگ سے پولیس اہلکار ہلاک ہوگیا۔
تفصیلات کے مطابق پولیس اہلکار فرمان ڈیوٹی کے بعد اپنے گھر جارہا تھا کہ ماچس پل کے قریب نامعلوم افراد نے فائرنگ کرکے ہلاک کردیا۔
واقعے کی اطلاع ملتے ہی پولیس اور امدادی ٹیمیں موقع پر پہنچ گئی اور لاش کو ڈی ایچ کیو ہسپتال میران شاہ منتقل کردیا۔
پولیس کی جانب سے واقعے کی تحقیقات کا آغاز کردیا گیا ہے۔
