ملاکنڈ (نمائندہ ڈیلی اردو) صوبہ خیبر پختونخوا کے ضلع ملاکنڈ میں نامعلوم افراد کی فائرنگ سے ایک سرکاری سکول کا ٹیچر ہلاک ہوگیا ہے۔
لیویز فورس کے مطابق یہ افسوسناک واقعہ درگئی کے علاقے گڑھی عثمانی خیل میں پیش آیا، جہاں نامعلوم افراد نے فائرنگ کر کے سکول ٹیچر کو شدید زخمی کر دیا جس کے بعد زخمی ٹیچر ہسپتال میں دوران علاج دم توڑ گیا۔
ہلاک ہونے والے سکول ٹیچر کی شناخت سید نواز کے نام سے ہوئی ہے۔ ٹیچر سکول سے چھٹی کے بعد گھر جا رہا تھا جب اسے راستے میں ٹارگٹ کلنگ کا نشانہ بنایا گیا۔
لیویز فورس نے ملزمان کی تلاش کے لئے سرچ آپریشن کا آغاز کر دیا گیا ہے۔
