کوئٹہ (ڈیلی اردو) صوبہ بلوچستان کے ضلع قلات میں قصاب خانہ روڈ پر نامعلوم افراد نے فائرنگ کرکے ہندو تاجر لیلا رام کو ہلاک کردیا گیا، جبکہ اس کا کمسن نواسہ زخمی ہوگیا۔
قلات میں نامعلوم مسلح افراد کی فائرنگ سے ایک ہندو تاجر ہلاک ہوگیا ہے۔ فائرنگ کی زد میں آکر مقتول ہندو تاجر کا کمسن نواسہ بھی زخمی ہوگیا: پولیس pic.twitter.com/acue65PAS6
— Shiraz Hassan (@ShirazHassan) February 26, 2024
ذرائع کے مطابق قلات میں فائرنگ کا واقعہ شراب کی دوکان پر پیش آیا۔
فائرنگ سے ہلاک ہونے والا لیلا رام کا شمار قلات کے مشہور ہندو تاجر میں ہوتا ہے۔
اس حوالے سے پولیس ذرائع کا کہنا ہے کہ نامعلوم مُسلح افراد کی فائرنگ سے ہندو تاجر لیلا رام جان سے گیا۔
پولیس ذرائع نے مزید بتایا کہ قلات فائرنگ کی زد میں آکر مقتول ہندو تاجر کا کمسن نواسہ کرتن کماربھی زخمی ہوگیا۔
ذرائع پولیس کا کہنا ہے کہ مقتول ہندو تاجر کو قصاب خانہ روڈ پر اس کے وائن اسٹور پر نشانہ بنایاگیا۔
تاہم ہندو تاجر کو کیوں قتل کیا گیا، اس حوالے سے ابتدائی طور پر کوئی بات سامنے نہیں آسکی لیکن پولیس نے قتل کی تحقیقات شروع کردی ہیں۔
