لاہور (ڈیلی اردو) صوبہ پنجاب کے ضلع بھکر کے قریب سی ٹی ڈی اور دہشت گردوں کے درمیان ہونے والے فائرنگ کے تبادلے میں صوبہ خیبرپختونخوا سے پنجاب میں داخل ہونے والے دو دہشت گرد ہلاک ہو گئے ہیں۔
سی ٹی ڈی پنجاب نے بھکر میں داخل ہونے والے دو دہشت گردوں کو ہلاک کردیا۔ ہلاک ہونے والے دہشت گردوں کے قبضے سے بھاری مقدار میں بارودی مواد برآمد ہوا۔#Terrorism #Bhakkar #Pakistan
— Shabbir Hussain Turi (@ShabbirTuri) April 23, 2024
سی ٹی ڈی انتظامیہ کی جانب سے جاری ہونے والی پریس ریلیز کے مطابق سی ٹی ڈی اور سکیورٹی اداروں نے مبینہ دہشت گردوں کو روکنے کی کوشش کی جس پر دہشت گردوں کی جانب سے سی ٹی ڈی اور سکیورٹی ٹیم پر فائرنگ کردی، بتایا جا رہا ہے کہ فائرنگ کے اس تبادلے میں دونوں دہشت گرد ہلاک ہوگئے۔
سی ٹی ڈی کے مطابق مارے جانے والے دونوں مبینہ دہشت گرد ملک میں حساس تنصیب پر حملے میں ملوث تھے، دہشت گردوں کے قبضے سے بھاری مقدار میں بارودی مواد بھی برآمد کیا گیا ہے۔
حکام کی جانب سے تاحال مارے جانے والے دونوں دہشت گردوں کی شناخت کی کوشش جاری ابھی جاری ہے، تاہم حکام کا کہنا ہے کہ دہشت گردوں کا تعلق کالعدم تنظیم تحریک طالبان پاکستان سے ہے۔