اسلام آباد (ش ح ط) صوبہ خیبر پختونخوا کے قبائلی ضلع کرم کے علاقے متہ سنگر میں دہشت گردوں کی فائرنگ سے سیکورٹی فورسز کے دو اہلکار ہلاک ہوگئے۔
اطلاعات کے مطابق قبائلی ضلع کرم کے علاقے متہ سنگر مقبل میں دہشت گردوں کی موجودگی کی اطلاع پر فورسز نے نیک مت خان کے مکان پر چھاپہ مارا گیا، اس دوران اندر موجود دہشت گردوں نے فائرنگ شروع کر دی، فائرنگ کے تبادلے میں نائیک اسلام شیر آفریدی اور سپاہی سہیل خٹک ہلاک ہوگئے۔
مقامی ذرائع کے مطابق فائرنگ سے عبد الباسط نامی مقامی نوجوان ہلاک ہوگیا ہے۔
واقعے کے بعد ایف سی کے دستوں نے پہنچ کر علاقے کو محاصرے میں لے لیا ہے۔
