بیونس آئرس (ڈیلی اردو) ارجنٹائن میں تعینات میکسیکو کے سفیر آسکر ریکارڈو والیرو صرف 10 ڈالر مالیت کی کتاب چوری کرتے ہوئے سی سی ٹی وی کیمرے کی زد میں آ گئے اور دھر لیے گئے۔
La causa cayó en el juzgado de Ercolini pero al estar involucrado un diplomático extranjero fue elevada a la Corte Suprema. Cancillería Argentina no hará declaraciones, Cancillería de México tomaría medidas y es de esperar algún comunicado de @EmbaMexAr. pic.twitter.com/L25p2OFsSa
— Juan Manuel Lombardero (@LombarderoJM) December 9, 2019
بین الاقوامی خبر رساں ادارے کے مطابق ارجنٹائن میں تعینات میکسیکو کے 76 سالہ سفیر بیونس آئرس کے مقبول زمانہ کتاب گھر ’ایل اتینیو‘ سے ایک ایسی کتاب چوری کرتے ہوئے پکڑے گئے جس کی قیمت محض 10 امریکی ڈالر تھی۔ سفیر آسکر ریکارڈو کو اس حرکت پر فوری طور پر واپس بلا لیا گیا ہے جہاں ایک تفتیشی ٹیم ان سے پوچھ گچھ کرے گی۔
La causa cayó en el juzgado de Ercolini pero al estar involucrado un diplomático extranjero fue elevada a la Corte Suprema. Cancillería Argentina no hará declaraciones, Cancillería de México tomaría medidas y es de esperar algún comunicado de @EmbaMexAr. pic.twitter.com/L25p2OFsSa
— Juan Manuel Lombardero (@LombarderoJM) December 9, 2019
میکسیکو کے وزیر خارجہ نے اپنی ٹویٹ میں لکھا کہ اگر کتاب چوری کرنے کا جرم ثابت ہوجاتا ہے تو سفیر کو فوری طور پر ملازمت سے سبک دوش کردیا جائے گا، شفاف تحقیقات کے لیے ایک انکوائری کمیٹی تشکیل دے دی گئی ہے، بد دیانتی ناقابل برداشت ہے اور کسی کو بھی اس کی اجازت نہیں دی جاسکے گی۔ میکسیکو کے صدر نے بھی اس عمل کو ملک کیلیے شرم اور بد نامی کا باعث قرار دیا۔
He solicitado al Comité de Ética analice el caso de Embajador en Argentina acusado de robar libros en famosa librería. Por lo pronto he ordenado regrese a casa. De comprobarse que el video es veraz será separado del cargo inmediatamente. Cero tolerancia a la deshonestidad.
— Marcelo Ebrard C. (@m_ebrard) December 9, 2019
قبل ازیں سوشل میڈیا پر ایک ویڈیو شیئر ہوئی تھی جس میں سفیر کو بک شیلف سے کتاب اُٹھا کر ایک اخبار میں لپیٹتے ہوئے دیکھا جا سکتا ہے، سفیر بنا قیمت دیئے بک اسٹور سے باہر نکل آتے ہیں۔ جس پر عملے نے انہیں روک لیا اور پولیس کے حوالے کردیا۔
بعد ازاں حقیقت کا اداراک ہوا کہ چور کوئی معمولی شخص نہیں بلکہ ایک ملک کا سفیر ہے، عمر رسیدہ سفیر کا شمار میکسیکو کے امیر ترین بااثر افراد میں ہوتا ہے۔