ریاض + صنعا (ویب ڈیسک ) یمن میں اتحادی افواج اور حوثی باغیوں کے درمیان شدید جھڑپوں کے نتیجے میں درجنوں باغی جاں بحق ہوگئے۔
تفصیلات کے مطابق یمن کی وسطی شہر الضالع میں سرکاری فوج اور عرب اتحادی فوج کے ساتھ جھڑپوں میں ایران نواز حوثی جنگجوﺅں کی بڑی تعداد جاں بحق اور زخمی ہوگئے ہیں۔
غیر ملکی خبر رساں ادارے کے مطابق وسطی یمن شہر ذمار کے تین اسپتالوں میں مقتول حوثی باغیوں کی 12 لاشیں لائی گئی ہیں۔ ان میں حوثیوں کی طرف سے بھرتی کیے گئے متعدد بچوں کی لاشیں بھی شامل ہیں۔ یہ لاشیں الضالع سے ذمار کے اسپتالوں کے سرد خانوں میں رکھی گئی ہیں۔
مقامی صحافی نے کا کہنا ہے کہ سعودی اتحادی ممالک کے جنگی طیارے صنعا میں شہری علاقوں پر بمباری کر رہے ہیں۔
The capital #Sanaa is under bombardment by #Saudi led coalition.
Jets are flying over the city now.
Western's media will not condemn this bombing. #Yemen. https://t.co/MNe48qahrb— Ahmad Algohbary (@AhmadAlgohbary) June 17, 2019
عرب ٹی وی کے ذرائع کا کہنا ہے کہ مقتول حوثی جنگجوﺅں کی لاشوں میں کیپٹن کے عہدے کا ایک حوثی عہدیدار جابر مہدی البحش بھی شامل ہے۔
عرب میڈیا نے مزید دعوی کیا ہے کہ ذمار کے اسپتالوں میں منتقل کی گئی حوثی جنگجوﺅں کی لاشوں کی شناخت جابر مہدی البحش، محمد عبداللہ السدعی، عبدالرزاق الکبسی، جہاد دوبع، حلمی فہد غرفہ، شہاب الدین عبدالجلیل العنسی، الرمیم عبدہ الرمیم، محمد عبداللہ الحکمی، عبدالسلام غالب الحرازی اور مجدالدین حسین المنقذی کے ناموں سے کی گئی ہے۔
ادھر ذمار شہر کے مغرب میں حوثیوں کے سیکیورٹی سپروائزر فواز عبداللہ عبدہ الجعدبی المعروف ابو مروان الجعدبی نے 45 سالہ عبدہ مصلح النقذی اور اس کے دو بیٹوں 13 سالہ عصام عبدہ مصلح اور 11 سالہ مجیب عبدہ مصلح کو سیکیورٹی فورسز نے گولیاں مارنے کے بعد زخمی کیا۔ بعد ازاں انہیں نامعلوم مقام پر منتقل کردیا گیا ہے۔
مقامی ذرائع کا کہنا ہے کہ سیکیورٹی کمانڈر کی اندھا دھند فائرنگ سے ایک شہری، اس کے دو بیٹے اور پانچ دیگر شہری مختار احمد علی، جمیل المجمر، طارق یحییٰ سعد طلحہ، فواد محمد خالد الاحجور اور طارق یوسف ابراہیم زخمی ہوگئے۔ انہیں بوصاب العالی کے اسپتال منتقل کردیا گیا۔
