265

عبدالستار ایدھی کی آج تیسری برسی منائی جارہی ہے

کراچی (نیوز ڈیسک) ممتاز فلاحی و سماجی شخصیت عبدالستار ایدھی کی آج تیسری برسی منائی جارہی ہے۔

عبدالستار ایدھی نے 1951ء میں کراچی کے قدیم شہری علاقے کھارادر میں ایک چھوٹی ڈسپنسری کے قیام سے سماجی خدمات کا سلسلہ شروع کیا جسے بعد میں توسیع دیتے ہوئے انہوں نے ایدھی فائونڈیشن قائم کی۔ عبدالستار ایدھی نے نہ صرف انسانی فلاح وبہبود بلکہ ملک بھر میں جانوروں کے لئے بھی کئی ادارے قائم کئے جواُن کی اہلیہ اوربیٹے کی سرپرستی میں بخوبی کام کر رہے ہیں۔ وہ طویل علالت کے بعد 8 جولائی 2016ء کو خالق حقیقی سے جاملے۔

قوم ممتاز سماجی شخصیت عبدالستار ایدھی کی آج تیسری برسی کے موقع پر اُن کی خدمات کے اعتراف میں انہیں خراج تحسین پیش کررہی ہے۔

اس خبر پر اپنی رائے کا اظہار کریں

اپنا تبصرہ بھیجیں