آرمی چیف کا سرحدی علاقوں میں کراچی کور اور پاکستان رینجرز کی فارمیشنز کا دورہ

راولپنڈی (ڈیلی اردو/اے پی پی) چیف آف آرمی سٹاف جنرل قمر جاوید باجوہ نے سرحدی علاقوں میں کراچی کور اور پاکستان رینجرز کی فارمیشنز کا دورہ کیا۔

آئی ایس پی آر سے جاری بیان کے مطابق چیف آف آرمی سٹاف نے کسی روایتی خطرے کا جواب دینے کیلئے ان کی تیاریوں کی صورتحال کو سراہا۔

یاد رہے کہ گزشتہ ہفتے آرمی چیف جنرل قمر جاوید باجوہ نے ایس ایس جی ہیڈکوارٹرز کا دورہ کیا تھا۔ آرمی چیف کا کہنا تھا کہ ایس ایس جی کمانڈوز ہمارا فخر ہیں، قیام پاکستان سے لے کر اب تک کمانڈوز، افسروں اور جوانوں نے ملکی دفاع کے لیے بےشمار خدمات سرانجام دی ہیں۔

جنرل قمر جاوید باجوہ کا کہنا تھا کہ ملک دشمن قوتوں کو ناکام کرتے ہوئے ملک میں استحکام لائے ہیں، کسی قیمت پر ملکی استحکام کو خراب نہیں ہونے دیں گے۔

اس خبر پر اپنی رائے کا اظہار کریں

اپنا تبصرہ بھیجیں