صبر سے کام لیں اور پورے مشرق وسطیٰ میں امریکیوں کی لاشیں دیکھیں: ایرانی جنرل اسماعیل قاآنی

تہران + انقرہ (ڈیلی اردو) جنرل قاسم سلیمانی کی امریکی حملے میں شہادت کے بعد تعینات کیے گئے قدس فورس کے نئے سربراہ نے عہدہ سنبھالتے ہی امریکیوں کی لاشیں بچھانے کا اعلان کردیا۔

جنرل قاسم سلیمانی کی شہادت کے بعد ایران کے سپریم لیڈر آیت اللہ خامنہ ای نے بریگیڈیئر جنرل اسماعیل قاآنی کو پاسداران انقلاب کی ذیلی تنظیم قدس فورس کا سربراہ مقرر کیا ہے۔

مڈل ایسٹ آئی کیلئے کام کرنے والے ترک صحافی رجب سوئیلو نے ایک ٹویٹ میں بتایا کہ قدس فورس کے نئے سربراہ نے عہدہ سنبھالتے ہی بدلہ لینے کا اعلان کیا ہے۔

انہوں نے ٹویٹ میں نے بریگیڈیئر جنرل اسماعیل قاآنی کے حوالے سے لکھا کہ “ہم سب لوگوں کو کہتے ہیں کہ صبر رکھیں اور پورے مشرقِ وسطیٰ میں امریکیوں کی لاشیں گرتی دیکھیں۔”

خیال رہے کہ امریکا نے عراقی دارالحکومت بغداد کے ایئر پورٹ پر جمعرات اور جمعہ کی درمیانی شب ڈرون حملہ کیا تھا جس میں قدس فورس کے سربراہ میجر جنرل قاسم سلیمانی بھی شہید ہوگئے تھے۔

اس خبر پر اپنی رائے کا اظہار کریں

اپنا تبصرہ بھیجیں