اسلام آباد (ڈیلی اردو) وزیراعظم عمران خان نے کل سے بین الاقوامی پروازوں کیلئے فضائی حدود جزوی طور پر کھولنے کا اعلان کردیا۔
سماجی رابطے کی ویب سائٹ ٹوئٹر پر شیئر کیے گئے پیغام میں انہوں نے لکھا کہ کل فضائی حدود عالمی پروازوں کے لیے جزوی طور پر کھول رہے ہیں۔ فضائی حدود کھولنے کا مقصد بیرون ملک پھنسے پاکستانیوں کو وطن واپس لانا ہے۔
Tomorrow we will partially open airspace for intl flights.This is being done specially to help our Overseas workers who have suffered most in this pandemic but have shown great courage & made us proud. We welcome you back home & our govt will facilitate you in every way.
— Imran Khan (@ImranKhanPTI) June 20, 2020
وزیراعظم عمران خان نے کہا کہ کورونا وائرس کے باعث سمندر پار پاکستانیوں نے مشکلات برداشت کیں، بیرون ملک پاکستانیوں کی ہمت اور حوصلوں پر ہمیں فخر ہے۔
وزیراعظم عمران خان نے وطن واپس آنے والے پاکستانیوں کو خوش آمدید بھی کہا۔ان کا کہنا تھا کہ سمندرپار پاکستانیوں کو واپسی پرہر قسم کی سہولت فراہم کریں گے، سمندر پار مخیر پاکستانیوں کی ہم وطنوں کی مدد کرنے پر ان کا مشکور ہوں۔
