لوئر دیر (ڈیلی اردو) صوبہ خیبر پختونخوا کے ضلع لوئر دیر میں نامعلوم افراد نے کار پر فائرنگ کردی جس کے نتیجے میں میاں بیوی اور ان کے دو بچے ہلاک ہوگئے۔
پولیس کے مطابق 4 افراد کی ہلاکت کا واقعہ لوئر دیر کے علاقے چکدرہ میں پیش آیا ہے جہاں طور منگ سے اوچ شاہ عالم بابا جانے والی ایک کار پر نامعلوم ملزمان نے فائرنگ کر دی۔ فائرنگ کے نتیجے میں میاں بیوی اور ان کے 2 ہلاک جب کہ کار میں سوار مزید 2 افراد شدید زخمی ہو گئے۔
واقعے کے بعد لاشوں اور زخمیوں ڈی ایچ کیو ہسپتال بٹ خیلہ منتقل کر دیا گیا ہے جبکہ پولیس نے علاقے کو گھیرے میں لے کر ملزمان کی تلاش شروع کر دی ہے۔
