اسلام آباد (ڈیلی اردو) ایران کے وزیر خارجہ ڈاکٹر محمد جواد ظریف پاکستان پہنچ گئے۔
نور خان ایئر بیس پر ایڈیشنل سیکریٹری اے آئی ٹی صفدر حیات، ایرانی سفیر سید محمد حسینی، ایرانی سفارت خانے اور وزارت خارجہ حکام نے ایرانی وزیر خارجہ کا استقبال کیا۔
وصل وزير الخارجية "محمد جواد ظريف" @JZarif على راس وفد سياسي واقتصادي الى العاصمة الباكستانية اسلام اباد ليل اليوم الثلاثاء، حيث كان في استقباله جمع من كبار مسؤولي الخارجية في هذا البلد https://t.co/kxBMs4e38D pic.twitter.com/oqlNSv2i8Z
— وكالة إرنا العربیة (@irna_arabic) November 11, 2020
ایرانی وزیر خارجہ پاکستان کا دو روزہ سرکاری دورہ کر رہے ہیں جب کہ ایران کے نمائندہ خصوصی برائے افغانستان محمد ابراہیم طاہریان بھی جواد ظریف کے ہمراہ وفد میں شامل ہیں۔
ایرانی وزیر خارجہ کے ہمراہ اعلی سطح کا سیاسی و اقتصادی وفد بھی اسلام آباد پہنچا ہے۔ ایران کے وزیر خارجہ دورہ پاکستان میں کل سے اپنی باقائدہ ملاقاتوں کا آغاز کریں گے۔
جواد ظریف کل صدر مملکت ڈاکٹر عارف علوی اور وزیر اعظم عمران خان سے ملاقاتیں کریں گے۔ ڈاکٹر جواد ظریف کل وزیر خارجہ شاہ محمود قریشی سے وفود کی سطح پر مذاکرات کرینگے۔
