کراچی (ڈیلی اردو) سندھ رینجرز اور کاؤنٹر ٹیررازم ڈیپارٹمنٹ (سی ٹی ڈی) نے حیدر آباد میں مشترکہ طور پر کارروائی کرتے ہوئے کالعدم تنظیم تحریک طالبان پاکستان (ٹی ٹی پی) کے دہشت گرد کو گرفتار کر لیا۔
سیکیورٹی ذرائع کے مطابق صوبہ سندھ کے ضلع حیدرآباد سے گرفتار کیے جانے والے تحریک طالبان کے مبینہ دہشتگرد عبدالرحمان سواتی پر 2006 میں پولیس اور ایف سی اہلکاروں کو ہلاک کرنے کا الزام ہے۔
ملزم کے قبضے سے اسلحہ بارودی مواد اور ہینڈ گرنیڈ بھی برآمد کیا گیا ہے۔
سی ٹی ڈی نے ملزم کو مزید تحقیقات کے لئے نامعلوم مقام پر منتقل کردیا ہے، ملزم سے مزید انکشافات کی توقع ہے۔
