57

شام میں روسی فوج کا ہیلی کاپٹر گر کر تباہ، ایک اہلکار ہلاک، ایک زخمی

دمشق (ڈیلی اردو) شام میں روسی فوج کا ایک ہیلی کاپٹر گر کر تباہ ہوگیا جس کے نتیجے میں ایک اہلکار ہلاک اور ایک زخمی ہوگیا۔

عالمی خبر رساں ادارے کے مطابق شام میں صوبے الحسکہ کے ترکی کے زیر انتظام علاقے میں روس کے فوجی اڈے المباقر کے قریب ہیلی کاپٹر گر کر تباہ ہوگیا۔

شام میں انسانی حقوق کی آبزورویٹری گروپ المرصد کا دعوی ہے کہ روسی ہیلی کاپٹر تباہ ہونے سے ایک اہلکار ہلاک اور ایک شدید زخمی ہوگیا، ہلاک اور زخمی ہونے والوں کو اسپتال منتقل کردیا گیا ہے۔

دوسری جانب روسی وزارت دفاع کی جانب سے جاری بیان میں کہا گیا کہ شام میں الحسکہ صوبے کے دو دیہاتوں قاسمیہ اور ریحانیہ میں روس کے ایک فوجی ہیلی کاپٹر کو ہنگامی لینڈنگ کرنا پڑی ہے۔ تاہم بیان میں ہلاکتوں کا زکر نہیں کیا گیا۔

واضح رہے کہ رواں ماہ 25 فروری کو ہی روس اور ترکی کے مشترکہ فوجی دستوں نے مشترکہ گشت کیا تھا جس میں روس کی 5 اور ترکی کی 4 فوجی گاڑیاں شامل تھیں۔ اس دوران میں روسی فوجی ہیلی کاپٹر بھی پرواز کرتے رہے تھے۔

اس خبر پر اپنی رائے کا اظہار کریں

اپنا تبصرہ بھیجیں