دوشنبہ (ڈیلی اردو) کرغزستان اور تاجکستان کے متنازع سرحدی علاقے میں جھڑپوں میں کم از کم 31 افراد ہلاک ہو گئے۔
کرغزستان اور تاجکستان کی سرحدی آبادیوں کے درمیان زمین اور پانی کے مسائل پر آئے دن جھڑپیں ہوتی رہتی ہیں تاہم غیر ملکی خبر ایجنسی کے مطابق اس مرتبہ ان جھڑپوں میں دونوں ملکوں کے فوجیوں کی شمولیت کی وجہ سے تازہ جھڑپ کئی برسوں میں شدید ترین تھی۔
رپورٹس کے مطابق تازہ ترین جھڑپوں میں کم از کم 31 افراد ہلاک ہو گئے۔
#BREAKING Kyrgyzstan says its death toll in Tajikistan clashes rises to 31 pic.twitter.com/d7X4V2k9RL
— AFP News Agency (@AFP) April 30, 2021
کرغزستان کے وزیر صحت نے بارڈر پر جاری جھڑپوں میں 31 افراد ہلاک اور 150 سے زائد کے زخمی ہونے کی تصدیق کی تاہم تاجکستان کی جانب سے ہلاک یا زخمی افراد کے اعداد و شمار جاری نہیں کیے گئے۔
دوسری جانب کشیدگی کم کرنے کیلئے دونوں طرف کے اہلکاروں کے مابین آج ملاقات ہوئی ہےجس کے بعد مشترکہ بیان میں کرغزستان اور تاجکستان نے حالیہ کشیدگی کو صرف اور صرف پُرامن طریقے سے حل کرنے پر اتفاق کیا ہے۔
