راولپنڈی (ڈیلی اردو) پاک بحریہ کے سربراہ ایڈمرل محمد امجد خان نیازی نے کہا ہے کہ کوئی فورس آج کے جنگی ماحول میں تن تنہا کامیاب نہیں ہو سکتی، پاک بحریہ میری ٹائم سیکیورٹی چیلنجز سے نمٹنے کیلئے ہر وقت تیار ہے۔
آئی ایس پی آر کے مطابق پاک بحریہ کے سربراہ ایڈمرل محمد امجد خان نیازی نے کمانڈ اینڈ سٹاف کالج کوئٹہ کا دورہ کیا۔ نیول چیف نے اس موقع پر کورس کے شرکا سے خطاب کرتے ہوئے مسلح افواج کے شہدا کو بھرپور خراج عقیدت پیش کیا۔
CNS Adm Muhammad Amjad Khan Niazi visited C & S College, Quetta & addressed course participants. The CNS paid tribute 2 the sacrifices of Pak Armed Forces & emphasized the participants 2 keep themselves abreast with emerging trends to deal with complex security environment. (1/2) pic.twitter.com/tf4fIbZppP
— DGPR (Navy) (@dgprPaknavy) June 2, 2021
شرکا سے خطاب میں انہوں نے زور دیا کہ افسران درپیش چیلنجز سے نبرد آزما ہونے کیلئے خود کو جدید رجحانات سے روشناس کرائیں اور سیکیورٹی کے پیچیدہ حالات سے نمٹنے کیلئے خود کو تیار رکھیں۔
نیول چیف کا کہنا تھا کہ جدید ملٹری آپریشن کے نظریے میں اشتراکیت مرکزی حیثیت رکھتی ہے۔ کوئی فورس آج کے جنگی ماحول میں تن تنہا کامیاب نہیں ہو سکتی، اس کے لئے پاک بحریہ کو پاک آرمی اور پاک فضائیہ کی موثر حمایت حاصل ہے۔
نیول چیف نے اس عزم کا اعادہ کیا کہ پاک بحریہ میری ٹائم سیکیورٹی چیلنجز سے نمٹنے کیلئے ہروقت تیار ہے۔
انہوں نے نے فیکلٹی اور سٹوڈنٹس سے تبادلہ خیال بھی کیا جبکہ کورس کے غیر ملکی شرکا سے بھی بات چیت کی۔