عراق: سینئر انٹیلی جنس افسر کو گولی مار کر ہلاک کر دیا گیا

بغداد (ڈیلی اردو) عراق کے دارالحکومت بغداد کے علاقے میں نامعلوم مسلح شخص نے فائرنگ کر کے سینئر انٹیلی جنس افسر کو ہلاک کردیا۔

عرب خبر رساں ادارے کے مطابق پیر کے روز عراقی دارالحکومت بغداد کے مشرقی علاقے میں ایک مسلح شخص نے سینئر انٹیلی افسر کو فائرنگ کا نشانہ بنایا جس کے نتیجے میں وہ موقع پر چل بسا۔

میڈیا رپورٹس کے مطابق فائرنگ سے ہلاک ہونے والے سینئر انٹیلی جنس افسر کی شناخت نبرس ابو علی کے نام سے ہوئی۔

عرب میڈیا کا کہنا ہےکہ بغداد میں سینئر انٹیلی جنس افسر کے قتل کا واقعہ ایسے وقت میں پیش آیا ہے جب انٹیلی جنس سروس عراقی عوام پر ہونے والے حملوں کو روکنے میں ناکام رہی ہے۔

عرب میڈیا کے مطابق سینئر انٹیلی جنس افسر کے قتل سے متعلق مزید معلومات نہیں مل سکیں جب کہ عراقی حکام نے بھی اس حوالے سے بات کرنے سے انکار کردیا۔

کسی گروہ نے تاحال حملے کی ذمہ داری قبول نہیں کی۔

اس خبر پر اپنی رائے کا اظہار کریں

اپنا تبصرہ بھیجیں