صومالیہ: موغا ديشو میں ملٹری کیمپ پر خودکش حملہ، 18 اہلکار ہلاک، 20 زخمی

موغا ديشو (ڈیلی اردو) صومالیہ میں ملٹری ٹریننگ کیمپ پر خودکش بمبار نے خود کو بارودی مواد سے اُڑا دیا جس کے نتیجے میں 18 افراد اہلکار اور 20 سے زائد اہلکار زخمی ہوگئے۔

عالمی خبر رساں ادارے کے مطابق صومالیہ کے دارالحکومت موغادیشو میں فوج میں نے بھرتی ہونے والے اہلکاروں کے لیے ایک ٹریننگ کیمپ لگایا گیا تھا۔ کیمپ کے باہر اہلکاروں کی لمبی قطار لگی ہوئی تھی کہ اچانک زوردار دھماکا ہوگیا۔

صومالوی آرمی آفیسر محمد عدن نے میڈیا کو بتایا کہ یہ خودکش حملہ تھا، حملہ آور نے اہلکاروں کے درمیان قطار میں کھڑے ہوکر خود کو بارودی مواد سے اُڑا لیا۔ خودکش حملے میں نئے بھرتی ہونے والے 18 اہلکار ہلاک اور 20 سے زائد اہلکار زخمی ہوگئے۔ ہلاکتوں میں اضافے کا خدشہ ہے۔

دھماکے کے بعد سیکیورٹی فورسز نے علاقے کا محاصرہ کرلیا صرف ایمبولینس کو جانے کی اجازت دی جا رہی ہے۔ درجن سے زائد زخمیوں کو موغادیشو کے مدینہ ہسپتال منتقل کیا گیا ہے۔

اس خبر سے متعلق مزید معلومات اور تفصیلات کا انتظار ہے۔

اس خبر پر اپنی رائے کا اظہار کریں

اپنا تبصرہ بھیجیں