اسلام آباد (ڈیلی اردو) امریکہ کے صدر جو بائیڈن نے کئی اہم عہدوں کے لیے نامزدگیوں کا اعلان کیا ہے جن میں پاکستان کے لیے سفیر کی نامزدگی بھی شامل ہے۔
وائٹ ہاؤس نے منگل کو ایک بیان میں کہا ہے کہ صدر جو بائیڈن پاکستان کے لیے ڈونلڈ آرمین بلوم کو سفیر بنانے کا ارادہ رکھتے ہیں جب کہ نیشنل ہائی وے ٹریفکنگ سیفٹی ایڈمنسٹریشن کے لیے ایڈمنسٹریٹر سمیت بعض دیگر اہم عہدوں کے لیے بھی نام سامنے آئے ہیں۔
Mission Pakistan is delighted to share the news that President Biden has announced his intent to nominate Donald Armin Blome as Ambassador to Pakistan. (1/2) ????????????????
— U.S. Embassy Islamabad (@usembislamabad) October 20, 2021
وائٹ ہاؤس کے مطابق ڈونلڈ بلوم اس وقت تیونس میں بطور امریکی سفیر خدمات انجام دے رہے ہیں اور انہیں خارجہ امور کا وسیع تجربہ ہونے کے ساتھ ساتھ عربی زبان پر بھی عبور حاصل ہے۔
Today, @POTUS signed an executive order to further our Administration's efforts to tackle systemic racism, advance equity, increase economic opportunity, expand access to wealth creation, and build an economy that works for all Americans.
More details: https://t.co/z2c9PRM4Mm
— The White House (@WhiteHouse) October 19, 2021
اس سے قبل ڈونلڈ بلوم افغانستان میں امریکی سفارت خانے میں بطور پولیٹیکل قونصلر اور یروشلم میں امریکی قونصلیٹ میں قونصل جنرل کی حیثیت سے خدمات انجام دے چکے ہیں۔ اس کے علاوہ ڈونلڈ بلوم عراق، مصر اور کویت میں بھی کئی عہدوں پر کام کر چکے ہیں۔
اس وقت امریکہ کی قائم مقام نائب سفیر انجیلا ایگلر پاکستان میں امریکی مشن کی ذمہ داریاں سنبھالے ہوئے ہیں۔ اس سے قبل پال ڈبلیو جونز نے 2020 تک نائب سفیر کی حیثیت سے خدمات انجام دی تھیں۔
خیال رہے کہ امریکی سفیر ڈیوڈ ہیل پاکستان میں امریکی مشن چلانے والے آخری سفیر تھے جنہوں نے 29 اگست 2018 تک پاکستان میں امریکی مشن کی ذمے داریاں انجام دی تھیں۔
صدر بائیڈن کی دیگر کئی عہدوں کے لیے نامزدگیاں
صدر بائیڈن نے محکمۂ ایئرفورس کے جنرل کونسل کے لیے پیٹر جے بیشار، انسانی حقوق کے ریکارڈ سے متعلق نظر ثانی بورڈ کے رکن کے لیے برینڈا ایلیان اسٹیونسن اور نیشنل ہائی وے ٹریفک سیفٹی کے ایڈمنسٹریٹر کے لیے اسٹیون کلف کو نامزد کیا ہے۔
واضح رہے کہ امریکہ کے قانون کے مطابق صدر کے نامزد کردہ ناموں کو سینیٹ کی منظوری درکار ہوتی ہے۔