پشاور (نمائندہ ڈیلی اردو) خیبر پختونخوا پولیس نے خطرناک دہشت گرد کو گرفتار کرلیا، دہشت گرد کی گرفتاری پر 10 لاکھ روپے انعام مقرر تھا۔
بڈھ بیر پولیس کے مطابق دہشت گرد سرفراز عرف فرازے دہشت گردی، پولیس پر حملے، قتل اور دیگر سنگینن وارداتوں میں مطلوب تھا اور حکومت نے اس کے سر کی قیمت دس لاکھ مقرر کر رکھی تھی۔
دہشت گرد 2012 میں چوکی انقلاب پولیس ٹیم پر حملے میں بھی ملوث ہے، حملے کے دوران سب انسپکٹر مرسلین خان ہلاک ہوئے تھے۔
ایس پی صدر ڈویژن وقار احمد کا کہنا ہے کہ گرفتار دہشت گرد سے تفتیش کا آغاز کر دیا گیا ہے۔
