کراچی (مانیٹرنگ ڈیسک) کراچی میں لانڈھی کے قریب تحریک لبیک پاکستان کے امیر حافظ سعد رضوی کی گاڑی پر فائرنگ سے تین افراد زخمی ہوگئے۔
تفصیلات کے مطابق حافظ سعد رضوی حلقے این اے 240 کے مختلف پولنگ سٹیشن کا دورہ کر رہے تھے جب انکی گاڑی پر فائرنگ کی گئی۔
تحریک لبیک پاکستان کے کارکنان کی جانب سے الزام عائد کیا گیا ہے کہ پاک سر زمین پارٹی کے مسلح کارکنان کی جانب سے تحریک لبیک پاکستان کے سربراہ حافظ سعد رضوی کی گاڑی پر فائرنگ کی گئی۔
فائرنگ کے بعد تحریک لبیک کے کارکنان جمع ہوئے جس کے بعد انہوں نے حافظ سعد رضوی کی گاڑی کو بھی گھیرے میں لیا اور انہیں محفوظ مقام پر منتقل کیا۔
واضح رہے کہ تصادم لانڈھی نمبر 6 پر حلقہ این اے 240 میں پولنگ کے دوران ایم کیو ایم، تحریک لبیک اور پاک سرزمین پارٹی کے کارکنان کے درمیان تصادم ہوا ہے جس کے سبب متعدد کارکنان زخمی ہوگئے۔
