کیمرون: حملے میں کم از کم 30 دیہاتی ہلاک، متعدد لاپتہ

یاؤندے (ڈیلی اردو) افریقی ملک کیمرون کے جنوب مغربی علاقے اکوایا میں ہونے والے ایک حملے کے نتیجے میں کم از کم 30 دیہاتی مارے گئے ہیں۔

مقامی حکام کے مطابق متعدد افراد لاپتہ ہیں اور ہلاکتوں میں اضافے کا خدشہ ہے۔ ابھی تک یہ واضح نہیں ہے کہ یہ حملہ کس گروہ کی طرف سے کیا گیا تھا۔

کیمرون کا جنوب مغربی علاقہ زمین کی ملکیت کے حوالے سے پہلے ہی نسلی تنازعات کا شکار ہے لیکن اب وہاں علیحدگی پسند تحریک بھی شروع ہو چکی ہے۔ یہ علاقہ نائیجیریا کی سرحد سے ملحق ہے۔

اس خبر پر اپنی رائے کا اظہار کریں

اپنا تبصرہ بھیجیں