اسلام آباد (ش ح ط) صوبہ خیبر پختونخوا کے قبائلی شمالی وزیرستان میں سیکورٹی فورسز کی گاڑی کے قریب ہونے والے خودکش حملے میں 2 اہلکار ہلاک اور 15 زخمی ہوگئے ہیں۔
https://twitter.com/ShabbirTuri/status/1543936238654492681?t=robjvrNeU00mSHBlzFmPbA&s=19
سیکورٹی ذرائع کے مطابق شمالی وزیرستان کی تحصیل میر علی کے علاقہ حدی میں شہید ایس پی طاہر خان داوڑ چوک کے قریب موٹر سائیکل سوار خودکش بمبار نے سیکیورٹی فورسز کے ٹرک کو نشانہ بنایا، جس کے نتیجے میں دو اہلکار ہلاک اور دیگر 15 اہلکار زخمی ہوگئے۔
زخمی اہلکاروں کو فوری طبی امداد کیلئے سی ایم ایچ بنوں منتقل کر دیا گیا جہاں کئی زخمیوں کی حالت نازک بتائی جارہی ہے۔
سیکیورٹی ذرائع کاکہنا ہے کہ زخمیوں میں ایک راہگیر بھی شامل ہے تاہم دھماکے کے بعد سیکورٹی فورسز نے علاقے کا محاصرہ کرکے حملہ اآوروں تک رسائی کیلئے سرچ آپریشن شروع کر دیا۔
