خرطوم (ڈیلی اردو) سوڈان کی جنوبی ریاست بلیو نیل میں 2 دن جاری رہنے والے نسلی فسادات میں 170 سے زائد افراد ہلاک ہوگئے۔
Two Sudanese officials tell @AP that tribal clashes in the country's southern province of Blue Nile have killed 170 people over the past two days.
The clashes are the latest in inter-communal violence across Sudan’s neglected south. https://t.co/UN85mnztQt
— The Associated Press (@AP) October 20, 2022
سوڈان کی ریاستی اسپتال کے سربراہ عباس موسیٰ کا کہنا ہے کہ ہلاک افراد میں عورتیں اور بچے بھی شامل ہیں، تشدد کے واقعات میں 100 سے زائد افراد زخمی ہوئے ہیں۔
رپورٹس کے مطابق بلیو نیل میں یہ جھڑپیں گزشتہ ہفتے ہاؤسا اور ان کے حریف گروپوں کے درمیان زمین کے تنازع پر شروع ہوئیں، جس کے بعد علاقہ مکینوں کی جانب سے شدید فائرنگ اور گھروں کو نذر آتش کیا گیا۔ یہ لڑائی دارالحکومت خرطوم سے 500 کلومیٹر جنوب میں روزیئرز کے قریب واد المحی کے علاقے میں ہوئی۔
غیر ملکی میڈیا کے مطابق یہ خونریزی حالیہ مہینوں کا ایک بدترین واقعہ ہے، ریاست میں درجنوں افراد کے ہلاک ہونے کیخلاف شہریوں کی جانب سے احتجاج بھی کیا گیا۔
غیر ملکی میڈیا کے مطابق ہاؤسا قبیلے کے افراد کا کہنا ہے کہ وہ گزشتہ دو دنوں سے مسلح افراد کے حملوں کی زد میں ہیں۔
