اسلام آباد (ش ح ط ) صوبہ پنجاب کے ضلع تونسہ شریف کے سرحدی علاقے میں پولیس چوکی پر دہشت گردوں کے حملے میں ایک اہلکار سمیت دو افراد ہلاک جب کہ ایک اہلکار زخمی ہو گیا۔
https://twitter.com/ShabbirTuri/status/1613942111350697984?t=WAuoY1QiWz2m196OEk9EbQ&s=19
تفصیلات کے مطابق تھانہ وہوا کی حدود میں پنجاب اور خیبر پختونخوا کے بارڈر پر واقع پولیس چوکیجھنگی پر موٹر سائیکل سوار دہشت گردوں نے حملہ کر دیا جس کے نتیجے میں چوکی پر تعینات ہیڈ کانسٹیبل مظہر اقبال قیصرانی اور وہاں موجود شہری باسط موقع پر ہی ہلاک ہوگئے جبکہ کانسٹیبل محمد رمضان شدید زخمی ہوگیا، زخمی اہلکار کو ڈی ایچ کیو ہسپتال تونسہ منتقل کردیا گیا جبکہ دہشت گرد فائرنگ کرتے ہوئے فرار ہو گئے۔
ترجمان پنجاب پولیس کے مطابق دہشت گردوں کے حملے میں پولیس اہلکار مظہر ہلاک ہوگئے۔
پنجاب پولیس تونسہ کے ہیڈ کانسٹیبل مظہر تھانہ واہوا چوکی جھنگی پر دہشت گرد حملے میں دہشت گردوں سے لڑتے ہوئے شہید اور کانسٹیبل رمضان زخمی ہو گئے۔
آئی جی پنجاب عامر ذوالفقار خان کا شہید کو خراج تحسین،ملزمان کی گرفتاری کے لیے فوری اقدامات کرنے کا حکم،قرار واقعی سزا دلوائی جائے گی pic.twitter.com/uHm3jKgUtU— Punjab Police Official (@OfficialDPRPP) January 13, 2023
پولیس حکام نے ڈیلی اردو کو بتایا ہے کہ دہشت گرد بھاری ہتھیاروں سے حملے کے بعد فرار ہو گئے جن کی گرفتاری کے لیے علاقے میں سرچ آپریشن جاری ہے۔
ذرائع کے مطابق اس چوکی کے حوالے سے محکمہ پولہس کے پاس پہلے سے تھریٹس بھی موجود تھے، ابتدائی اطلاعات کے مطابق 9 دہشت گرد موٹر سائیکل پر سوار تھے جو جدید اسلحہ سے لیس تھے۔
ذرائع کے مطابق پولیس ٹیموں کے ساتھ ساتھ نفری میں مزید اضافہ کرتے ہوئے رینجرز اور ایلیٹ فورس کو بھی جائے وقوعہ پر بھجوا دیا گیا ہے۔
حملے کے بعد پولیس کی بھاری نفری موقع پر پہنچ گئی، علاقے میں پولیس کا سرچ آپریشن جاری ہے۔