انقرہ (ڈیلی اردو/ڈی پی اے/رائٹرز/اے پی) ترکی نے سویڈن سے مطالبہ کیا ہے کہ سٹاک ہوم حکومت اس مظاہرے کی اجازت منسوخ کرے جس میں ممکنہ طور پر قرآن جلایا جائے گا۔ اسی سلسلے میں انقرہ حکومت نے آج ہفتے کے روز سویڈش وزیر دفاع کا ترکی کا طے شدہ دورہ بھی منسوخ کر دیا۔
استنبول سے ملنے والی رپورٹوں کے مطابق ترک وزیر خارجہ مولود چاوش اولو نے ہفتہ اکیس جنوری کی دوپہر کہا کہ سویڈش حکام کو اپنے ہی ملک میں ترکی مخالف ایک ایسے مظاہرے کے لیے دی گئی سرکاری اجازت منسوخ کر دینا چاہیے، جس کے شرکاء مبینہ طور پر سٹاک ہوم میں ترک سفارت خانے کے باہر مسلمانوں کی مقدس کتاب قرآن بھی جلانا چاہتے ہیں۔
Türkiye strongly condemns 'vile attack' on Quran in Sweden
‘Despicable act yet another example of alarming level that Islamophobia, racist, discriminatory movements have reached in Europe,' says Foreign Ministry https://t.co/tt6DD82dam
— Anadolu English (@anadoluagency) January 21, 2023
ترک وزیر خارجہ نے کہا، ”ہماری طرف سے تمام تر تنبیہات کے باوجود اس مظاہرے کا اہتمام کرنے والے عناصر کو حکام نے اجازت دے دی ہے۔ یہ برا کام مجوزہ طور پر عالمی وقت کے مطابق ہفتے کو بعد دوپہر ایک بجے کرنے کا پروگرام بنایا گیا ہے۔ میں امید کرتا ہوں کہ سویڈش حکام ضروری اقدامات کرتے ہوئے ایسا ہونے سے روک دیں گے۔‘‘
مولود چاوش اولو نے استنبول میں صحافیوں سے گفتگو کرتے ہوئے کہا کہ ان کی رائے میں، ”سویڈن میں جس مظاہرے کا پروگرام بنایا گیا ہے، اور جس کے لیے حکومت نے باقاعدہ اجازت بھی دے دی ہے، اسے آزادی اظہار کے حق کے تحت کیا جانے والا فعل قرار نہیں دیا جا سکتا۔‘‘
Kimse kutsal kitabımıza el uzatmasın!
Nefret suçu içeren bu aşağılık ırkçı eylemin düşünce ve ifade özgürlüğü olarak nitelendirilmesi kabul edilemez.
İsveç makamlarından acilen önlem almalarını bekliyoruz. pic.twitter.com/xOdvE624Pk
— Mevlüt Çavuşoğlu (@MevlutCavusoglu) January 21, 2023
سویڈش وزیر دفاع کا دورہ منسوخ
قبل ازیں آج ہفتے ہی کے روز ترک وزیر دفاوع ہُولوسی آکار نے کہا تھا کہ انقرہ حکومت نے سویڈن کے وزیر دفاع کا اگلے ہفتے کے لیے طے شدہ دورہ ترکی منسوخ کر دیا ہے۔ انہوں نے کہا تھا کہ سٹاک ہوم حکومت کی طرف سے اپنے ملک میں ترک کے خلاف مظاہرے کی اجازت دیے جانے کے بعد انقرہ حکومت نے سویڈش وزیر دفاع کا دورہ ترکی منسوخ کر دیا ہے۔
ترک وزیر دفاع کے بقول سویڈش حکام کی طرف سے مظاہرے کے نام پر ایک ‘کریہہ‘ عمل کی اجازت دیے جانے کے بعد سویڈش وزیر دفاع کا ترکی کا مجوزہ دورہ غیر ضروری ہو گیا تھا۔
ترکی مغربی دفاعی اتحاد نیٹو کا رکن بھی ہے، جس نے اپنی طرف سے اعتراضات کے باعث سویڈن کو اس مغربی دفاعی بلاک میں شامل ہونے سے اب تک روک رکھا ہے۔
