پشاور (بیورو رپورٹ) کاؤنٹر ٹیررازم ڈپارٹمنٹ (سی ٹی ڈی) کوہاٹ ریجن نے پشاور کے قریب نیم قبائلی علاقے درہ آدم خیل سے کالعدم تنظیم تحریک طالبان پاکستان (ٹی ٹی پی) سے تعلق رکھنے والے دو دہشت گردوں کو گرفتار کرلیا۔
سی ٹی ڈی پشاور کی کوہاٹ ریجن میں کارروائی، ٹی ٹی پی کے دو انتہائی مطلوب دہشت گرد گرفتار، گرفتار دہشت گرد تھانہ جنگل خیل، تھانہ بلی ٹنگ، تھانہ جرمانہ پر حملوں میں مطلوب تھے، گرفتار دہشت گردوں کا تعلق درہ آدم خیل سے ہے۔#CTD #TTP #Kohat #Peshawar #Pakistan
— Shabbir Hussain Turi (@ShabbirTuri) March 16, 2023
ترجمان سی ٹی ڈی کے مطابق دہشت گردوں کے خلاف خفیہ اطلاع پر آپریشن کیا گیا، گرفتار دہشت گرد تھانہ جنگل خیل، تھانہ بلی ٹنگ، تھانہ جرمانہ پر حملوں سمیت دہشت گردی کے سنگین مقدمات میں بھی مطلوب تھے۔
سی ٹی ڈی حکام کے مطابق دہشتگروں سے تفتیش کی جارہی ہے جس میں مزید انکشافات متوقع ہیں۔
