پشاور (نمائندہ ڈیلی اردو) صوبہ خیبر پختونخوا کے دارالخلافہ پشاور کے پولیس اسٹیشن میچنی گیٹ پر دہشت گردوں نے دستی بموں سے حملہ کر دیا۔
پشاور پولیس کے مطابق پولیس اسٹیشن میچنی گیٹ پر نامعلوم موٹر سائیکل سواروں نے دستی بم پھینکے۔
پشاور پولیس نے ڈیلی اردو کو بتایا ہے کہ پولیس کی جوابی فائرنگ سے حملہ آور فرار ہو گئے، حملے میں کوئی جانی نقصان نہیں ہوا ہے۔
پشاور پولیس نے یہ بھی بتایا ہے پولیس اسٹیشن پر دو دستی بم پھینکے گئے، حملے سے تھانے میں موجود مال مقدمے کی گاڑی کو نقصان پہنچا ہے۔
بعد ازاں پولیس نے پولیس نے ملزمان کی تلاش کے لیے علاقے میں سرچ آپریشن شروع کردیا۔
