اسلام آباد (ش ح ط) صوبہ خیبرپختونخوا کے ضلع لکی مروت میں دہشت گردوں نے پولیس کی گاڑی پر فائرنگ کی جس میں ایلیٹ فورس کے دو اہلکار ہلاک اور تین پولیس اہلکار زخمی ہوگئے۔
لکی مروت کے تھانہ پیزو کی معمول کے گشت پر مامور پولیس موبائل پر دہشت گردوں نے اندھا دھند فائرنگ کی جس کے نتیجے میں ایلیٹ فورس کے دو اہلکار بشیر خان اور سیف علی خان موقع پر ہی ہلاک ہوگئے۔جبکہ عصمت اللہ، امداد اور انعام اللہ شدید زخمی ہوئے ہیں جنہیں طبی امداد کے لئے ہسپتال منتقل کر دیا گیا ہے۔
پولیس ذرائع کے مطابق علاقے کی ناکہ بندی کر کے حملہ آوروں کی گرفتاری کے لئے سرچ آپریش کا آغاز کر دیا گیا ہے۔
دوسری جانب کالعدم تنظیم تحریک طالبان پاکستان نے حملے کی ذمہ داری قبول کرلی ہے۔
