اسلام آباد (ڈیلی اردو) وزیراعظم عمران خان نے انڈونیشیا کے صدر جوکو ویدود سے ٹیلیفونک رابطہ کر کے مقبوضہ کشمیر کی تازہ صورتحال اور بھارتی جارحیت سے متعلق آگاہ کیا۔
وزیراعظم عمران خان اور انڈونیشین صدر جوکو ویدود نے مسئلہ کشمیر کو پرامن طریقے سے حل کرنے پر اتفاق کیا۔ دونوں رہنماؤں نے مسئلہ کشمیر کو عالمی قوانین کے مطابق حل کرنے پر بھی اتفاق کیا۔
وزیراعظم عمران خان کا انڈونیشیا کے صدر جوکو ویدودو کو ٹیلی فون۔
وزیراعظم نے انڈونیشین صدر کو مقبوضہ وادی کی مخدوش صورتحال سے آگاہ کیا۔ بھارت نے کشمیر کی خصوصی حیثیت تبدیل کرکےعالمی قوانین کی خلاف ورزی کی۔ بھارتی اقدام سلامتی کونسل کی قراردادوں کی بھی سنگین خلاف ورزی ہے: وزیراعظم pic.twitter.com/5xdEiZR8gY— Government of Pakistan (@GovtofPakistan) August 11, 2019
وزیراعظم عمران خان نے کہا کہ بھارت نے کشمیر کی خصوصی حیثیت ختم کر کے عالمی قوانین کی خلاف ورزی کی ہے۔ بھارتی اقدام سلامتی کونسل کی قراردادوں کی بھی سنگین خلاف ورزی ہے۔
انہوں نے مزید کہا کہ بھارت نے مقبوضہ وادی کے باسیوں کو محصور کررکھا ہے۔ بھارتی اقدام سے جانوں کے ضیاع کا خدشہ ہے۔ عالمی برادری بھارتی مظالم رکوانے میں اپنا کردار ادا کرے۔
